Vårkonsert med Orkesteret Fossegrimen og Fana kammerorkester

Velkommen til vårkonsert med klassiske perler!

Orkesteret Fossegrimen og Fana kammerorkester har denne våren eit spanande samarbeid som vi ser fram til å syne resultata av . Samarbeidet har stimulert til spelegleda og mogleggjort eit fyldigare klangbilde enn det orkestra kvar for seg kan varte opp med.

Programmet inneheld mellom anna nokre klassiske verk for symfoniorkester som Fossegrimen har hatt på programmet tidlegare: Heksenatt på Bloksberg (Mussorgsky), Finlandia (Sibelius) og Hjalarljod (Groven).  I tillegg spelar vi to spennande og tiltalande verk av litt nyare dato: Kontrabasskonsert av Koussevitzky, og Strykarserenade av Wirén. 

Solist på kontrabass er den internasjonalt kjende bassisten Igor Eliseev, til dagleg solobassist i Stavanger Symfoniorkester, og konserten vert leia med stø hand av Fana Kammerorkester sin konsertmester Sergey Letyagin (strykarserenaden) og fast dirigent for Fossegrimen, Dagfinn Rohde (resten av programmet).